Il Parc La Mutta Falera ei il pli grond ed impurtont stabiliment da megalits dalla Svizra che stat sut protecziun archeologica e ch`ei vegnius creaus el temps da bronz. Quel colligia astronomia, matematica e cult dil temps da bronz.
Las sendas entuorn la Mutta ein naturalas, e quei intenziunadamein. Fagei aschi bien e viandei cun buns calzers. En cas d`accidents purteis Vus la responsabladad. All`entrada dil Parc La Mutta anfleis Vus fegls d`informaziun cun ina descripziun cuorta. Aschia saveis Vus era visitar il parc individual. Dapli informaziuns pertuccont ils megalits, menhirs e craps scaluttas obtenis Vus era duront las guidas che vegnan exequidas regularmein, ni el cudisch “Die Megalithe der Surselva Graubünden – Die Menhire auf Planezzas Falera”.
Nus giavischein a Vus bia plascher alla tscherca dalla historia da Falera ch`ei circa 3`500 onns veglia.
Informaziuns ed annunzias per guidas sut www.parclamutta.falera.net
